ციცი ჩხეიძე, იცნობენ, როგორც ინდიგოს, – ფოტოგრაფია, მისი საყვარელი ფერი ლურჯია, მის ნამუშევრებშიც ძირითადი ლურჯი ჭარბობს. ინდიგო – საკუთარი თავი სწორედ, ამ სახელში იპოვა. ციცის თქმით, ინდიგო კოსმიურად ლურჯს ნიშნავს.
ფოტოგრაფია მისი განუყოფელი ნაწილია, მთავარი ინსპირაციის წყარო კი მუსიკაა. ფოტოებს ყოველთვის იღებს არსებულ რეალურ ადგილებში ყოველგვარი ფოტოშოპის გარეშე.
ყოველთვის ცდილობს მის ფოტოებს გასდევდეს არარეალური სამყაროს მისტიური ელფერი. მას მუსიკა შთააგონებს როგორ დადგას კადრი.
პირველ ეტაპზე ის ფოტოაპარატს მეგობრებისგან თხოულობდა, შემდეგ კი თავისივე შრომით შეძლო ოცნების ახდენა და საკუთარი ფოტოაპარატი შეიძინა.
ის აქტიურად იღებს მონაწილეობას სხვადასხვა კონკურსში, თუმცა მიიჩნევს, რომ ეს პროფესია ჩვენს ქვეყანაში არ ფასდება, მიუხედავად ამისა, მაინც აგრძელებს საინტერესო ადგილების ძიებას.
Tou Blog 