სალომე ქომეთიანი
მკითხველს ამჟამად ვთავაზობთ დიზაინერისა და მოყვარულ ფოტოგრაფ თინათინ მაისურაძესთან ინტერვიუს, რომელიც ერთ-ერთ სარეკლამო კომპანიაში მუშაობს. 28 წლის თინათინი ფოტოგრაფიით 13 წლის ასაკში დაინტერესდა.
„ჩემს მეგობრებსა და ახლობლებს ვუღებდი ფოტოებს და ძალიან მოსწონდათ ჩემი გადაღებული. ამის შემდეგ დავიწყე აქტიურად გადაღება,“ – გვიყვება თინათინი, რომელსაც ფოტოგრაფებიდან გამოარჩევს დაგატას, ფრანჩესკა ვოტმანს და ბრესონს.
თინათინი ჩვენთან საუბრისას იმ ფოტო სესიაზეც საუბრობს, რომლის გადაღებაც გაუჭირდა. ის გვიყვება, როგორ დაავალა ერთ-ერთმა კომპანიამ ელექტროხაზების გადაღება… სწორედ, ამ ფოტოსესიის გადაღება გაუჭირდა ყველაზე მეტად, რადგან ასეთ ფოტოსესია არასდროს ჰქონია. თინათინი ხშირად იყენებს დიზაინს ფოტოგრაფიაში და პირიქითაც, რადგან მისი პროფესია წიგნის ილუსტრაციაა. „ფოტოგრაფიას უფრო გატაცებას დავარქმევდი, რომლის დახმარებითაც დამატებით შემოსავალსაც ვიღებ,“ – ამბობს თინათინი, რომელიც ფიქრობს, რომ ხელოვნებაში თავისუფლებას ვერაფერი შეუშლის ხელს.
თუ ადამიანი ნამდვილი ხელოვანია მუდამ თავისუფლად გამოხატავს სათქმელს.
„ფოტოგრაფია მომწონს. მიყვარს ეს საქმე. ეს ისაა, რაც გარკვეულწილად მავსებს. თუმცა თავად არ მიყვარს, როდესაც ობიექტივში ვხვდები, ძალიან იშვიათად,რომ ეს მომინდეს,“ – ამბობს ის და სამომავლო გეგმებზეც გვესაუბრა, რომელსაც უახლოეს მომავალში იხილავს საზოგადოება.
Tou Blog 